საქართველოს რკინიგზამ გამოაცხადა 35.6 მილიონი ლარის ღირებულების ტენდერი, რომლითაც 200 ცალი სატვირტო ვაგონის შესყიდვა უნდა მოხდეს. ტენდერის თანახმად, ვაგონები, ასევე მისი დეტალები 2023 წელს უნდა იყოს წარმოებული.
“ვაგონი და მისი ყველა დეტალი და კვანძი, მათ შორის საბუქსე კვანძებიანი წყვილთვლები, ავტოსაბმელები, შთანმთქმელი აპარატები ავტორეჟიმები და სამუხრუჭე მოწყობილობები უნდა იყოს ახალი არ უნდა იყოს ნამყოფი ექსპლუატაციაში, დამზადებული არაუადრეს 2023 წელს. ვაგონი აშენებული უნდა იყოს არაუადრეს 2023 წელს, არ უნდა იყოს ნამყოფი ექსპლუატაციაში და არ უნდა ჰქონდეს მიღებული მონაწილეობა დატვირთვა-გადმოტვირთვის ოპერაციებში. ვაგონის გეგმიური რემონტის პერიოდულობა უნდა შეესაბამებოდეს რკინიგზების ცენტრალური საბჭოს 2012 წლის 16-17 ოქტომბრის №57 ოქმით დამტკიცებულ ,,საერთაშორისო მიმოსვლაში რკინიგზის საერთო სარგებლობის ლიანდაგზე დაშვებული სატვირთო ვაგონების რემონტისა და ტექნიკური მომსახურების სისტემის შესახებ დებულებით” გათვალისწინებულ პერიოდულობას, როგორც კალენდარული ნორმატივით, ისე გარბენით (კომბინირებული კრიტერიუმით),”- ნათქვამია სატენდერო პირობებში.
მნიშვნელოვანია გარემოება, რომ სატენდერო განაცხადის აღწერა ქართულთან ერთად რუსულადაც არის წარმოდგენილი – ნახევარვაგონის შესყიდვა / закупка полувагона; მოწოდების ვადა ხელშეკრულების გაფორმებიდან 120 კალენდარული დღის განმავლობაში/в течение 120 календарных дней со дня заключения договора,”- ნათქვამია დოკუმენტაციაში.
ტენდერში წინადადებების წარდგენა 6-დან 8 ივნისის პერიოდში იქნება შესაძლებელი.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…